Notkunarskilmálar

1.1. Lagalegur fyrirvari (Disclaimer)

Þjónustan er tæknileg hugbúnaðarlausn (SaaS) sem hönnuð er til að aðstoða tilkynningarskylda aðila og tengda fagaðila við skipulagningu, skjalastýringu og utanumhald á áreiðanleikakannanir (KYC) og áhættumöt í tengslum við peningaþvættisvarnir. Þjónustan veitir ekki lagalega ráðgjöf, lögfræðiálit eða endanlega staðfestingu á reglufylgni.

1.2. Endanleg ábyrgð Notanda

Notandi skilur og samþykkir að hann ber einn og sér fulla og endanlega lagalega ábyrgð á því að fylgja lögum nr. 140/2018 um aðgerðir gegn peningaþvætti og fjármögnun hryðjuverka, sem og öðrum viðeigandi reglum og stjórnvaldsfyrirmælum. Notkun á Þjónustunni leysir Notanda undan engri lagalegri skyldu eða ábyrgð gagnvart eftirlitsaðilum.

1.3. Takmörkun á sjálfvirkri skýrslugerð

Þjónustan býður upp á sjálfvirka samantekt gagna og útgáfu skýrslna (t.d. á PDF-formi). Notandi samþykkir að slíkar skýrslur eru eingöngu tæknileg og sjálfvirk vinnsla á þeim upplýsingum sem Notandi slær sjálfur inn, eða sækir í gegnum samtengingar (API) á eigin ábyrgð. Sjálfvirkt áhættumat eða niðurstöður sem kerfið kynnir fela ekki í sér mat, yfirferð eða lagalega staðfestingu Eiganda á því að viðkomandi aðili sé áhættulaus, eða að áreiðanleikakönnun sé fullnægjandi.

1.4. Aðstoðarmaður byggður á gervigreind

Þjónustan býður upp á aðstoðarmann sem byggir á gervigreind (mállíkönum). Hann getur útskýrt spurningar, samið drög að rökstuðningi og viðmiðum, lagt til breytingar á stefnuskjölum og yfirfarið svör. Það sem aðstoðarmaðurinn skilar eru tillögur. Þær geta verið rangar eða ófullnægjandi og koma hvorki í stað mats Notanda né lögfræðilegrar ráðgjafar.

Ekkert sem aðstoðarmaðurinn leggur til er vistað í sjálfsmati eða stefnuskjali nema Notandi samþykki það. Með samþykki gerir Notandi textann að sínum og ber ábyrgð á efni hans samkvæmt lið 1.2. Tilvísanir aðstoðarmannsins í lög eru veittar til hægðarauka og skal Notandi sannreyna þær gagnvart gildandi lagatexta.

Þegar aðstoðarmaðurinn er notaður eru svör og texti viðkomandi hluta send til vinnslu hjá undirvinnsluaðila eins og lýst er í Persónuverndarstefnu. Nafn og kennitala fyrirtækisins og nöfn tilgreindra starfsmanna eru falin áður en gögnin eru send, og gögnin eru ekki notuð til að þjálfa mállíkön.

1.5. Skaðabótalausn

Eigandi Þjónustunnar ber undir engum kringumstæðum ábyrgð á beinu eða óbeinu tjóni, glötuðum hagnaði, stjórnvaldssektum (t.d. frá Skattinum eða Fjármálaeftirlitinu), eða öðrum afleiðingum sem Notandi kann að verða fyrir vegna villna í gögnum, bilana í hugbúnaði, rangra niðurstaðna úr sjálfvirku mati, eða ef eftirlitsaðilar telja AML-vinnu Notandans ábótavanta.

Hámarks skaðabótaábyrgð Eiganda gagnvart Notanda vegna hvers kyns krafna eða gáleysis takmarkast við þá upphæð sem Notandi hefur raunverulega greitt fyrir áskrift sína síðustu tólf (12) mánuði áður en bótaskyldur atburður átti sér stað.

2.1. Leyfisáskrift og stök kaup

Þjónustan er veitt annað hvort í formi tímabundins notkunarleyfis (áskrift — Grunnur, Pro eða Fyrirtæki) samkvæmt þeirri verðskrá sem er í gildi á hverjum tíma, eða sem einskiptiskaup (Stakt sjálfsmat) sem veitir aðgang að einni sjálfsmatsskýrslu, meðfylgjandi PDF-skjölum og innifalnum rafrænum undirskriftum, án áskriftar.

2.2. Innheimta, aukagjöld og vanskil

Áskriftargjöld eru innheimt fyrir fram (mánaðarlega eða árlega). Einskiptiskaup (Stakt sjálfsmat) eru greidd að fullu þegar pöntun er staðfest. Notandi ber ábyrgð á því að gildar og virkar greiðsluupplýsingar séu skráðar í kerfið. Ef áskriftargjald er ekki greitt á gjalddaga áskilur Eigandi sér rétt til að loka tafarlausar á aðgang Notanda að Þjónustunni og öllum vistuðum gögnum þar til skuldin er færð í full skil.

Ef Notandi notar fleiri rafrænar undirskriftir en innifalið er í áskriftarleiðinni á hverjum mánuði, innheimtast aukagjöld að upphæð 290 kr. án VSK (360 kr. með VSK) fyrir hverja undirskrift umfram hámarkið. Aukagjöld eru skuldfærð sjálfkrafa af greiðslukortinu sem er skráð á reikninginn.

2.3. Verðbreytingar

Eigandi áskilur sér rétt til að breyta verðskrá sinni með minnst 30 daga fyrirvara. Breytingar eru tilkynntar Notendum með tölvupósti eða með skýrum hætti inni í viðmóti Þjónustunnar.

2.4. Uppsögn áskriftar

Áskrift (Grunnur, Pro eða Fyrirtæki) er hægt að segja upp hvenær sem er í gegnum stillingasvæði Notanda með minnst 30 daga fyrirvara. Uppsögn tekur gildi við lok þess áskriftartímabils sem er í gangi þegar uppsagnarfresturinn rennur út. Inngreidd áskriftargjöld eru ekki endurgreidd, hvorki að hluta né að öllu leyti. Uppsagnarfrestur og skilyrði þessi eiga ekki við einskiptiskaup (Stakt sjálfsmat).

2.5. Skylda til gagnaútflutnings við lok áskriftar

Við uppsögn áskriftar ber Notanda að flytja út öll nauðsynleg gögn, söguleg skráningarkerfi og PDF-skýrslur úr kerfinu áður en áskriftartímabilinu lýkur. Notandi ber einn fulla ábyrgð á að uppfylla lögbundna geymsluskyldu á AML/KYC gögnum í að lágmarki fimm (5) ár skv. 28. gr. laga nr. 140/2018, með útflutningi eða geymslu á öðrum stað.

Eigandi geymir gögn Notanda í 60 daga eftir lok áskriftar sem öryggisnet til að auðvelda útflutning. Að þeim tíma liðnum áskilur Eigandi sér rétt til að eyða öllum gögnum Notanda varanlega úr gagnagrunnum sínum, og ber enga ábyrgð á tapi á gögnum eða lagalegum afleiðingum þess fyrir Notandann.

2.6. Varðveisla gagna við einskiptiskaup (Stakt sjálfsmat)

Við einskiptiskaup á Stakt sjálfsmat geymir Eigandi PDF-skýrslur og tengd gögn í að lágmarki fimm (5) ár frá kaupdegi, í samræmi við lögbundna geymsluskyldu skv. 28. gr. laga nr. 140/2018 um aðgerðir gegn peningaþvætti og fjármögnun hryðjuverka. Gögn eru eingöngu aðgengileg þeim Notanda sem keypti og eru geymd með sama öryggisstigið og önnur KYC-gögn í kerfinu. Að fimm árum liðnum áskilur Eigandi sér rétt til að eyða gögnum varanlega.

3.1. Einkaaðgangur

Notanda er óheimilt að deila notandanafni, lykilorði eða API-lyklum með þriðja aðila utan síns lögaðila. Hver einstakur starfsmaður Notanda sem notar kerfið skal þurfa séreignaraðgang (e. individual user account), nema annað sé sérstaklega samið um.

3.2. Öryggiskröfur og tvíþáttaauðkenning (2FA)

Þar sem Þjónustan hýsir og vinnur með viðkvæm persónuupplýsingar og fjárhagsleg gögn, er Notendum eindregið ráðlagt að virkja og nota tvíþáttaauðkenningu (2FA / Rafræn skilríki) við innskráningu ef kerfið býður upp á slíkt.

Velji Notandi að virkja ekki tvíþáttaauðkenningu, lýsir hann yfir að hann beri einn fulla og óskipta ábyrgð á öllu öryggi aðgangsins. Eigandi ber enga ábyrgð á tjóni, gagna- eða persónuverndarrotum sem rekja má til þess að óviðkomandi aðili komst yfir innskráningargögn Notanda vegna þess að tvíþáttaauðkenning var ekki virkjuð.

3.3. Bann við misnotkun

Hvers kyns tilraunir til að afrita kóða, framkvæma tæknilegar árásir (DDoS), beita bakverkfræði (reverse engineering), nota óheimila vefskriðla (scrapers/bots), eða nýta hugbúnaðinn í hvers kyns ólögmætum tilgangi, munu leiða til tafarlausrar og varanlegrar lokunar á aðgangi án endurgreiðslu, ásamt mögulegri tilkynningu til lögreglu og skaðabótakröfu.

4.1. Lagaleg hlutverk og vinnslusamningur

Með staðfestingu þessara skilmála samþykkir Notandi að taka á sig hlutverk ábyrgðaraðila (Data Controller) gagnvart persónuupplýsingum viðskiptavina sinna, á meðan Eigandi starfar sem vinnsluaðili (Data Processor) í skilningi persónuverndarlaga nr. 90/2018. Vinnslusamningur Eiganda (Data Processing Agreement) telst óaðskiljanlegur hluti af þessum skilmálum og bindur báða aðila frá og með samþykkt.

4.2. Persónuverndarstefna

Nánari útskýring á lagalegum hlutverkum, hvaða gögnum er safnað, varðveislutíma og réttindum einstaklinga er að finna í Persónuverndarstefnu okkar, sem er yfirgripsmesta skjalið um gagnavinnslu kerfisins.

Þjónustan er veitt „eins og hún kemur af kúnni" (as is) og samkvæmt framboði á hverjum tíma. Eigandi ábyrgist ekki að Þjónustan verði alveg óslitin, tafirlaus eða laus við minniháttar villur.

Nauðsynlegt viðhald, uppfærslur eða kerfisbreytingar sem geta valdið tímabundnum niðritíma verða eins og kostur er framkvæmdar utan hefðbundins vinnutíma og tilkynntar með fyrirvara ef unnt er.

Eigandi áskilur sér fullan rétt til að breyta, bæta við eða fjarlægja tæknilega eiginleika í Þjónustunni til þess að bæta virkni, fínstilla öryggi eða bregðast við nýjum lagakröfum á markaði.

Allur hugbúnaður, bakenda- og framendakóði, útlitshönnun, textar, vörumerki, reiknirit og annað efni sem tengist Þjónustunni er einkaeign Eiganda og verndast af höfundarétti. Notandi fær takmarkað, afturkallanlegt, tímabundið og óframseljanlegt afnotaleyfi til að nota kerfið í sínum rekstri, svo lengi sem áskrift er greidd og skilmálum þessum er fylgt.

Eigandi áskilur sér rétt til að uppfæra og breyta skilmálum þessum. Ef um verulegar breytingar er að ræða — sem hafa áhrif á réttindi Notanda eða verð — verður það tilkynnt með tölvupósti með minnst 14 daga fyrirvara áður en breytingarnar taka gildi. Áframhaldandi notkun Notanda á Þjónustunni eftir gildistöku breytinganna jafngildir fullu samþykki á nýjum skilmálum.

Notandi samþykkir að halda Eiganda, starfsmönnum hans og samstarfsaðilum algjörlega skaðlausum, sem og að verja þá og hlífa, gagnvart hvers kyns kröfum þriðja aðila, málshöfðunum, skaðabótum, tapi, sektum eða kostnaði (þ.m.t. lögfræðikostnaði) sem hljótast af eða tengjast:

• Brotum Notanda á skilmálum þessum eða viðeigandi lögum, sérstaklega lögum nr. 140/2018 um aðgerðir gegn peningaþvætti og fjármögnun hryðjuverka.
• Gögnum, persónuskilríkjum, áhættumötum eða öðrum upplýsingum sem Notandi hleður upp í kerfið sem brjóta gegn réttindum þriðja aðila eða brjóta í bága við persónuverndarlög nr. 90/2018.

Um skilmála þessa, túlkun þeirra og alla notkun á Þjónustunni gilda íslensk lög.

Komi upp ágreiningur á milli Eiganda og Notanda skal reyna að leysa hann með samkomulagi. Ef það tekst ekki, skal málinu vísað til einkaréttarlegs varnarþings Eiganda, og skal það rekið fyrir Héraðsdómi Reykjavíkur.